ສປປ ລາວ ເປັນປະເທດທີ່ບໍ່ມີຊາຍແດນຕິດກັບທະເລ ຊຶ່ງໃນໄລຍະຜ່ານມາ ໄດ້ມີການເຕີບໂຕຢ່າງເຂັ້ມແຂງ ຄຽງຄູ່ກັບການແກ້ໄຂສິ່ງທ້າທາຍຕ່າງໆລວມທັງ ອັດຕາປະຊາກອນທີ່ຮູ້ໜັງສືແມ່ນຕ່ຳ, ການຂາດເຂີດດ້ານແຮງງານທີ່ມີທັກສະ ແລະ ຂາດພື້ນຖານໂຄງລ່າງ. ດ້ວຍການສະໜັບສະໜູນຂອງຄູ່ຮ່ວມພັດທະນາ ແລະ ການປະຕິຮູບດ້ານລະບຽບກົດໝາຍຂອງລັດຖະບານ, ສປປ ລາວ ສືບຕໍ່ເຊື່ອມໂຍງເຂົ້າກັບລະບົບການຄ້າ ແລະ ການລົງທຶນໂລກ.

ເຖິງແມ່ນວ່າ ເສດຖະກິດລາວ ຍັງອີງໃສ່ຂະແໜງ ກະສິກຳແບບກຸ້ມຢູ່ກຸ້ມກິນເປັນສ່ວນໃຫຍ່, ການຂຸດຄົ້ນໂລຫະ ລວມທັງຄຳ, ທອງ ແລະ ກົ່ວ ໄດ້ປະກອບສ່ວນຢ່າງຫຼວງຫຼາຍຕໍ່ ລາຍຮັບຂອງລັດຖະບານ ໃນ ໄລຍະ 15 ປີ ຜ່ານມາ.

MMG LXML ເຊໂປນ

ບໍ່ຄຳ-ທອງເຊໂປນ ແມ່ນກິດຈະການຂຸດຄົ້ນທອງແບບເປີດໜ້າດິນ ຢູ່ ແຂວງສະຫວັນນະເຂດ, ພາກໃຕ້ຂອງ ສປປ ລາວ. ຊື່ຂອງບໍລິສັດຈົດຖະບຽນໃນ ສປປ ລາວ ແມ່ນ ບໍລິສັດ ລ້ານຊ້າງມີເນໂຣນສ໌ ລິມິເຕັດ ຊຶ່ງເປັນບໍລິສັດຫຸ້ນສ່ວນມີ ບໍລິສັດ MMG ລິມິເຕັດ (ຖືຫຸ້ນຢູ່ 90%) ແລະ ລັດຖະບານລາວ (ຖືຫຸ້ນຢູ່ 10%).

LXML ໄດ້ປະກອບສ່ວນຫຼາຍກວ່າ US$1.4 ຕື້ ເປັນລາຍຮັບໂດຍກົງໃຫ້ແກ່ ສປປ ລາວ ໃນຮູບແບບການຈ່າຍພາສີອາກອນ, ພາສີຊັບພະຍາກອນແຮ່ທາດ ແລະ ເງິນປັນຜົນ ຕັ້ງແຕ່ເລີ່ມດຳເນີນງານບໍ່ຄຳ-ທອງເຊໂປນ ປີ 2002 ເປັນຕົ້ນມາ. ຜົນປະໂຫຍດທາງອ້ອມ ຜ່ານການສ້າງວຽກເຮັດງານທຳ, ການຝຶກອົບຮົມ, ການພັດທະນາຊຸມຊົນ ແລະ ການຈ້າງ ຜູ້ສະໜອງທ້ອງຖິ່ນ ໄດ້ສ້າງ ມໍລະດົກທີ່ຍືນຍົງ ໃຫ້ແກ່ການພັດທະນາເສດຖະກິດ ແລະ ສັງຄົມ.

ພະນັກງານ ແລະ ຊຸມຊົນ

LXML ຈ້າງພະນັກງານຫຼາຍກວ່າ 3.000 ຄົນໃນ ສປປ ລາວ. ການຈ້າງງານດັ່ງກ່າວໄດ້ປະກອບສ່ວນເປັນເງິນ ຫຼາຍຮ້ອຍລ້ານໂດລາ ເຂົ້າໃນເສດຖະກິດ ລາວ, ໂດຍສະເພາະໃນຊຸມຊົນອ້ອມຂ້າງເຂດຂຸດຄົ້ນບໍ່ແຮ່. ການຝຶກອົບຮົມ ແລະ ພັດທະນາດ້ານ ວິຊາຊີບເຊັ່ນ ຊ່າງໄຟຟ້າ ແລະ ຊ່າງກົນຈັກ ໄດ້ ເຮັດໃຫ້ຄົນລາວມີຄຸນວຸທິ ແລະ ທັກສະທີ່ຕິດໂຕສາມາດນຳໄປໝູນໃຊ້ໃນຕໍ່ໜ້າ. LXML ຍັງໄດ້ສະໜັບສະໜູນທຶນການສຶກສາ ແລະ ສະໜັບສະໜູນພະນັກງານຄົນລາວຫຼາຍຄົນ ໄປສຶກສາຕໍ່ ດ້ານການບັນຊີ, ເຕັກໂນໂລຊີຂໍ້ມູນຂ່າວສານ, ດ້ານການສື່ສານ ແລະ ວິຊາດ້ານທຸລະກິດຕ່າງໆ.

ກອງທຶນພັດທະນາບ້ານຂອງ LXML ສຸມໃສ່ໂຄງການພັດທະນະຂະໜາດນ້ອຍ ເຊັ່ນ ໜອງປາ, ຫ້ອງການບ້ານ, ຊົນລະປະທານ ແລະ ກິດຈະກຳອື່ນໆ ອີງຕາມການປຶກສາຫາລືກັບ ຊາວບ້ານທ້ອງຖິ່ນທີ່ຢູ່ໃກ້ກັບ ບໍ່ຄຳ-ທອງເຊໂປນ. ນັບຕັ້ງແຕ່ປີ 2010, ກອງທຶນພັດທະນາບ້ານໄດ້ປະກອບສ່ວນກວ່າ 2,5 ລ້ານໂດລາສະຫາລັດ.

LXML ຍັງສະໜອງທຶນ 750,000 ໂດລາສະຫະລັດ ຕໍ່ປີ ເຂົ້າໃສ່ ກອງທຶນພັດທະນາທ້ອງຖິ່ນ ດ້ວຍການຄຸ້ມຄອງຮ່ວມກັບ ເມືອງວິລະບູລີ. ນັບຕັ້ງແຕ່ເລີ່ມດຳເນີນງານ ໃນປີ 2003, LXML ໄດ້ປະກອບສ່ວນຫຼາຍກວ່າ US$5  ໃສ່ການ ສ້າງໂຮງຮຽນ, ໂຮງໝໍ, ລະບົບສະໜອງນ້ຳ, ສຸຂະພິບານ, ຖະໜົນ ແລະ ໂຄງສ້າງພື້ນຖານອື່ນໆ.

75% ໃນການສະໜອງສິນຄ້າ ແລະ ການບໍລິການໃຫ້ແກ່ບໍ່ຄຳ-ທອງເຊໂປນແມ່ນມາຈາກຜູ້ສະໜອງທ້ອງຖິ່ນ. ກຸ່ມທຸລະກິດທ້ອງຖິ່ນ ສາມາດສ້າງລາຍຮັບໄດ້ກວ່າ 18  ລ້ານໂດລາສະຫະລັດ ຕັ້ງແຕ່ ບໍ່ຄຳ-ທອງເຊໂປນ ໄດ້ເລີ່ມດຳເນີນງານ. MMG ຍັງໄດ້ສຸມໃສ່ ພັດທະນາການດຳລົງຊີວິດທີ່ກຸ້ມໂຕ ແລະ ເຂັ້ມແຂງ ດ້ວຍໂຄງການ ຫັນກະສິກຳເປັນສິນຄ້າ ລວມທັງ ການປັບປຸງຜົນຜະລິດເຂົ້າ ແລະ ການປູກໝາກກ້ຽງ.

MMG ໄດ້ສະໜັບສະໜູນ ໂຄງການຮ່ວມມືພິເສດດ້ານສຸຂະພາບ ແລະ ໂພຊະນາການແມ່ ແລະ ເດັກ ໃນ ສີ່ແຂວງ ກັບ ອົງການຢູນິເຊບ (UNICEF) ແລະ ກະຊວງສາທາລະນະສຸກຂອງລາວ ໃນມູນຄ່າ 3 ລ້ານໂດລາສະຫະລັດ. ແຜນງານນີ້ ປະກອບດ້ວຍ ການຝຶກອົບຮົມອາສາສະໝັກຈາກກຸ່ມຊົນເຜົ່າ ແລະ ສະຫະພັນແມ່ຍິງລາວ ເພື່ອສະໜອງການບໍລິການດ້ານສາທາລະນະສຸກ ໃຫ້ແກ່ແມ່ ແລະ ເດັກ ຢູ່ເຂດຫ່າງໄກສອກຫຼີກ.

ຮູບ: ສະຫນັບສະຫນູນວິຖີຊີວິດທ້ອງຖິ່ນໂດຍຜ່ານການຜະລິດສະບຽງອາຫານ